Түркиянын Орусиядан талабы

Тышкы иштер министр Мевлүт Чавушоглу, 30-январда Орусиянын Сочи шаарындагы Сирия улуттук диалог конгрессине катышкан бир террористтин Орусиядан тапшырылышын талап кылгандарын айтты.

Анкарада журналисттерге маалымат берген Чавушоглу, Орусиянын Түркияга берген катышуучулардын тизмесинде орун албаган террористтин конгресске катышкан болушуна Түркиянын каршы чыкканын билдирди.

Чавушоглу: «Бул кызыл бюллетень менен изделген ысым. Орусиянын бизге берген тизмесинде бул ысым жок. Жасалма документтер менен өлкөгө кирген жана ар кайсы жерлерде сүрөткө түшүп шоу көрсөттү»,-деп айтты.

Террористтин Орусиядан камакка алынышын жана тапшырылышын талап кылгандарын баса белгилеген Чавушоглу: «Бул темада Орусия иликтөөлөрдү жүргүзүп бизге маалымат берет. Муну президент Владимир Путин жеке өзү карап жатат»,-деди.

Чавушоглу темага байланыштуу Орусиядан түшүндүрмө беришин талап кылгандарын да белгиледи.