Эрдоган Макрондун чакыруусу боюнча Францияга барат
Президенттиктин басма сөз катчысы Ибрахим Калын жазуу түрүндө билдирди.
Президент Режеп Тайип Эрдоган, Франциянын президенти Эммануэль Макрондун чакыруусу боюнча 5-январда бул өлкөгө сапар жасайт.
Президенттиктин басма сөз катчысы Ибрахим Калын, президент Эрдогандын Францияга сапарында Кудус, Сирия, Ирак жана террор менен күрөшүүдөн баштап аймактык темалар жана Түркия-Европа Биримдиги карым-катнаштарынын карала турганын билдирди.
Калын жазуу түрүндөгү билдирүүсүндө президент Эрдогандын Франциянын президенти Макрондун чакыруусу боюнча 5-январда Францияга бара турганын белгилеп: «Францияда жашаган орто эсеп менен 700 миң калктуу түрк коомчулугу, өлкөбүздүн ортосунда көпүрө милдетин аткарууда. Урматтуу президентибиздин сапары, Франция менен карым-катнаштарыбыздын эки тараптуу түрдө улуттарыбызга жана бүтүндөй аймакка пайдасы тийгидей түрдө бекемделишине багытталат»,-деди.
Ибрахим Калын, эки өлкөнүн ортосундагы түптүү карым-катнаштардын эки тараптуу инвестиция, энергетика, коргоо өнөр жайы, илим жана технология, транспорт, маданият жана билим берүү сыяктуу кеңири тармактагы маанилүү долбоорлорду да чыңдаганын билдирди.