Татар:«Негизги мекенибизге (Түркия) ыраазыбыз»
Президент Татар Левкошада тышкы иштер министри Хакан Фидан менен болгон жолугушуусунан кийин биргелешкен маалымат жыйынында сөз сүйлөдү.
Түндүк Кипр Түрк Республикасынын (ТКТР) президенти Эрсин Татар:«Негизги мекенибизге (Түркия) ыраазыбыз», - деди.
Президент Татар Левкошада тышкы иштер министри Хакан Фидан менен болгон жолугушуусунан кийин биргелешкен маалымат жыйынында сөз сүйлөдү.
Түркиянын Түндүк Кипр Түрк Республикасына дээрлик ар платформада көрсөткөн колдоосуна көңүлдөрдү бурган Татар: «Адилетсиз глобалдык чөйрөдө биз Кипр түрк элинин тубаса укуктарын орнотуу жана анын эгемендүү жана тең эл аралык статусун бекитүү үчүн чоң күрөш жүргүзүп жатабыз. Ушул ардактуу жолдо ар бир аянтчада бизди колдоп, жаныбызда болуп, мамлекетибизди алдыга алып чыгып, ага татыктуу статус берүү үчүн бардык мүмкүнчүлүктөрүн мобилизациялап жаткан негизги мекенибизге ыраазыбыз»,-деп айтты.
Тышкы иштер министри Хакан Фидан: «Кипрде эки мамлекеттүү чечимден башка чечим жок экенин баары көрүп жатат»,-деди.
Фидан: «Киприлик түрктөр 50 жылдан бери дуушар болгон изоляция, адамзатка каршы үнсүз кылмыш болуп калды. Бул жерде үнсүз өнөктөштөр бар. Булар билип туруп же билбестен ушундай кылып жатышат. Биз Кипр элинин бул абалдан эң аз таасир алышы үчүн бардык күчүбүздү жумшап жатабыз. Акыркы 50 жылдын ичинде аралда бир чындык пайда болду. Аралда эки мамлекеттүү чечим жана субъектти каттоодон башка эч кандай чечим жок экенин баары көрүп турат»,-деп айтты.
Негизги кайрылуусун Түштүк Кипр Рум Башкаруучулугунун (GCASC) жарандарына жана саясий лидерлерине кылгысы келгенине көңүл бурган Фидан: «Эгер алар да Кипр аралын дагы заманбап, өнүккөн, тынчтыкты жана коопсуздукту түбөлүккө камсыз кылган аймакка айлануусун кааласа, мындай чечимдерди ишке ашырууда тайманбас болушу керек. Мен ушуну менен аларды кайраттуу болууга чакырам»,-деди.
Фидан Түндүк Кипр менен бардык тармакта кызматташтыкты арттырууну уланта тургандарын белгилеп, Греция менен Түркиянын ортосундагы оң саясий атмосферанын аралда жаңырык болушун каалашкандарын белгиледи.
Тышкы иштер министри: «Греция, Түркия, Түндүк Кипр Түрк Республикасы жана Түштүк Кипр Рум Башкаруучулугунун чогулуп, аймагыбызда жакшы келечек куруусу мүмкүн»,-деди.
