Эрсин Татар эки мамлекеттүүлүккө басым жасады

Түндүк Кипр Түрк Республикасынын Президенти Эрсин Татар эми Кипрде  федерация маселесинин жабылгандыгын, кипрдик румдар менен өнөктөштүк республикасынын эми эч бир маанисинин калбагандыгын айтты.

Эрсин Татар Самсун сапарында маалымат берди.

Кипрде эми  жаңы саясаттын жүрүп жатканын баса белгилеген Татар :  «Кипрде федерация маселеси жабылды. Башкача айтканда, кипрдик румдар  менен өнөктөш республиканын  мындан ары эч кандай мааниси жок.  Бардык мүмкүнчүлүктөр жумшалды.  Бардык жакшы ниеттерибизге карабастан, грек тарап ар бир комплекстүү жолугушуу планына каршы добуш берди», - деди.

Эки мамлекеттүү чечүүчү жол каалагандарын баса белгилеген Татар ТКТРнын жери,  деңиз юрисдикциялары жана аба мейкиндиги менен бүтүндөй түрк дүйнөсүнө чоң салым кошуу потенциалына ээ экенин айтты.

ТКТРсын дүйнөгө таанытууну каалашкандарын баса белгилеген Татар :  «Түндүк Кипр Түрк Республикасын таанытуу үчүн керектүү дипломатиялык, экономикалык жана  саясий карым  - катнаштардын Кипр түрк  калкы менен курулушу керек экендигин урматтуу президентибиз (Режеп Таййип Эрдоган) айткан. Бардык түрк дүйнөсү муну колдоп жатат. Ислам өлкөлөрүнүн арасында да көп сандаган өлкө бизди колдоп жатат",- деди.