Казакстанда АЭС куруу боюнча референдум өтөт
Токаев Казакстан парламентинин жаңы мыйзам чыгаруу жылынын ачылышында салттуу кайрылуусун жасады.
Казакстандын президенти Касым Жомарт Токаев атомдук электр станциясын куруу боюнча коомчулуктун чечими үчүн 6-октябрда жалпы элдик референдум өтөрүн жарыялады.
Токаев Казакстан парламентинин жаңы мыйзам чыгаруу жылынын ачылышында салттуу кайрылуусун жасады.
Президент Токаев глобалдык энергия тартыштыгы өсүп жатканын белгилеп, алар ишенимдүү жана экологиялык жактан таза энергия булактарына муктаж экенин айтты.
Ушул себептен улам, Токаев өлкөдө атомдук энергетиканы өнүктүрүүгө маани берилиши керектигин белгилеп, Казакстан экономикасынын тездик менен өсүп жаткан муктаждыктарын атомдук электр станциясы гана канааттандыра аларын белгиледи.
Токаев учурда өнүккөн жана өнүгүп келе жаткан 30 өлкөдө 200гө жакын атомдук станция иштеп жатканын белгилеп: «Узак мөөнөттүү улуттук кызыкчылыктарды жана өлкөбүздүн «өзгөчөлүгүн» эске алуу менен келечекти ойлонушубуз керек»,-деди.
Атомдук электр станциясын куруу маселеси өлкөдө акыркы бир жылдан бери коомчулук тарабынан активдүү талкууланып жатканын белгилеген Токаев: «Өлкө үчүн маанилүү болгон ар бир кадам коомчулуктун колдоосу менен жасалышы керек. Атомдук электр станциясын (АЭС) куруу боюнча референдум өткөрүү маселесин мен былтыр көтөргөм, ошондуктан бул маселе бир жыл бою коомчулуктун күн тартибине коюлган. Бул мөөнөт жарандардын негиздүү чечим кабыл алуусу үчүн жетиштүү деп эсептейм. Бул жагдайда мен өкмөттүн сунушун колдойм. Атомдук электр станциясын куруу боюнча жалпы элдик референдум ушул жылдын 6-октябрында өтөт жана мен бүгүн тиешелүү чечимге кол коюп жатам»,-деп айтты.
