Азербайжандагы минанын жарылышы

Азербайжандын Газах облусунда армян аскерлери койгон минанын жарылуусунан бир кенже лейтенант жана 3 мина издөө адиси жараланды.

Азербайжандын Миналарды тазалоо агенттигинин (ANAMA) билдирүүсүндө, Газах облусунун Кызылхажылы айылынын элет жеринде минанын жарылганы кабарланды.

Билдирүүдө жарылуунун натыйжасында талаада мина издөө иштерин жүргүзүп жаткан Азербайжандын Чек ара кызматынын бир кенже лейтенанты менен бир ANAMA кызматкеринин жаракат алганы белгиленди. Жарылуудан улам ANAMAнын эки кызматкеринин да жараат алганы кабарланды.

Жарааттардын өмүргө коркунуч туудурбаганы жана окуя боюнча иликтөө иштеринин башталганы маалымдалды.

Азербайжан тарабынан куткарылган жерлерде армян күчтөрү тарабынан коюлган жүз миңдеген миналар бар экени болжолдонууда.

2-Карабах согушу аяктагандан бери миналардын жарылуусунан 66 азербайжандык каза болуп, 300дөн ашуун адам жаракат алды.

Жарылуу болгон Кызылхажылы айылы көп жылдар бою Армения тарабынан оккупациялангандан кийин 24-майда Азербайжанга кайтарылган.