Эрсин Татар Стюартты кабыл алды

Түндүк Кипр Түрк Республикасынын (ТКТР) президенти Эрсин Татар, Кипр Түрк элинин эгемендик тең укуктуулугу жана эл аралык статусу таанылбастан жана ырасталбастан расмий сүйлөшүү процессинин башталышы мүмкүн эместигин айтты.

Татар Бириккен Улуттар Уюмунун (БУУ) Кипр боюнча атайын өкүлү Колин Стюартты борбор шаар Левкошадагы Президенттигинде кабыл алды.

Жолугушуудан кийин билдирүү жасаган Татар эгемендик теңдикке басым жасады.

Кипр түрк калкынын эгемендик теңдигинин таанылышы керектигин баса белгилеген Татар, Түндүк Кипр Түрк Республикасынын эл аралык статусу таанылбастан жана ырасталбастан сүйлөшүүлөрдүн баштала албастыгын дагы бир жолу баса белгиледи.

Татар:«Кипрде болушубуздун уланышы үчүн, Кипрде тынчтык, бейпилдик жана коопсуздуктун уланышы үчүн эки тең укуктуу тарап жанаша жана туруктуу келишимге келиши керек. Бул үчүн эгемендик теңчилик жана бирдей улуттук статус абдан маанилүү», - деди.

Түндүк Кипр Түрк Республикасынын ар дайым диалогду жактаганын баса белгилеген Татар, Европа Биримдигинин (ЕБ) Кипр маселесине кийлигишүү ниетинен улам БУУга ыңгайсыздыктарын билдиргендерин айтты.

БУУнун Кипр боюнча атайын өкүлү Колин Стюарт болсо жолугушуу конструктивдүү өткөнүн билдирип: «Бул процессте Кипр маселесинде жылыш болот деген үмүттөбүз»,-деди.