Казакстанда парламент таркатылды

Казакстандын президенти Касым Жомарт Токаев парламенттин таратылышы жана 19 -  мартта мөөнөтүнөн мурда шайлоо өткөрүү тууралуу жарлыкка кол койду.

1935280
Казакстанда парламент таркатылды

 Казакстандын президенти Касым Жомарт Токаев парламенттин таратылышы жана 19 -  мартта мөөнөтүнөн мурда шайлоо өткөрүү тууралуу жарлыкка кол койду.

Президенттик аппараттын билдирүүсүндө Токаевдин 2022-жылдын июнь айында өткөн конституциялык референдум менен Казакстанда адилеттүү жана атаандаштыкка жөндөмдүү башкаруу системасына өтүү процессинин башталганын жарыялаганы белгиленди.

Президент Токаев мындан кийин парламенттик шайлоодо аралаш системанын колдонула турганын белгилеп : «Парламент жана жергиликтүү кеңештин түзүлүшүнө карата бул жаңы модель шайлоочулардын кызыкчылыктарын улуттук, аймактык  деӊгээлде толук коргойт жана бийликтин өкүлчүлүктүү органдарында кеңири көз караштарды камсыз кылат»,- деп баа берди.

Конституцияны өзгөртүү боюнча референдумдун алкагында жаңы саясий партияларды түзүү процессинин жеңилдетилгенин белгилеген Токаев саясий партиялардын парламентке өтүү босогосу 7 пайыздан 5 пайызга чейин төмөндөтүлгөнүн эске салып, бул бардык мекемелик өзгөрүүлөрдүн  саясий атаандаштыкты күчөтүп, жаңы саясатчыларга жол ача тургандыгын белгиледи.



Тектеш кабарлар