Казакстандын президенти Токаев Бакуда

Казакстандын президенти Касым Жомарт Токаев расмий жолугушууларды өткөрүү үчүн Азербайжандын борбор шаары Бакуга барды.

Токаевди Гейдар Алиев атындагы эл аралык аэропортто Азербайжандын вице-премьер-министри Якуп Эйюбов, Азербайжандын тышкы иштер министринин орун басары Халеф Халефов жана берки жетекчилер тосуп алышты.

Азербайжандын президенти Илхам Алиев менен жолугуша турган Токаевдин сапарынын алкагында соода-экономикалык, транспорттук, логистикалык жана маданий-гуманитардык тармактарда кызматташууну кеңейтүү жана Азербайжан менен Казакстандын ортосундагы стратегиялык өнөктөштүктү өнүктүрүү темалары талкууланат.

Мындан тышкары сапардын алкагында эки өлкөнүн ортосунда түрдүү келишимдерге кол коюлушу күтүлүүдө.