Каракалпакстан Автономиялуу Республикасында бир айлык мөөнөткө өзгөчө кырдаал жарыяланды
Буга ылайык, Каракалпакстан боюнча жергиликтүү убакыт боюнча саат 21.00дөн 07.00гө чейин коменданттык саат киргизилет.
Өзбекстанда нааразылык акциялары өткөн Каракалпакстан Автономиялуу Республикасында бир айлык мөөнөткө өзгөчө кырдаал жарыяланды.
Президент Шавкат Мирзиеев кол койгон жарлык менен Өзбекстандын конституциясындагы Каракалпакстан Автономиялуу Республикасынын статусуна байланыштуу беренелерди өзгөртүүгө байланыштуу айрым сунуштар күн тартибине киргизилгенден кийин нааразылык демонстрациялары өткөн Каракалпакстанда 2-августка чейин өзгөчө кырдаал жарыяланды.
Жарлыкта өзгөчө кырдаал режими жарандардын коопсуздугун камсыз кылуу, алардын укуктарын жана эркиндиктерин коргоо, мыйзамды сактоо жана тартипти сактоо максатында кабыл алынганы белгиленген.
Буга ылайык, Каракалпакстан боюнча жергиликтүү убакыт боюнча саат 21.00дөн 07.00гө чейин коменданттык саат киргизилет.
Өзгөчө кырдаалдын алкагында бир айлык мөөнөткө облустун аймагындагы маанилүү имараттарды жана курулуштарды кайтаруу күчөтүлүп, жарандардын, анын ичинде транспорт каражаттарынын эркин жүрүүсүнө чектөөлөр киргизилет, жарандардын өздүгүн тактоо, Каракалпакстанга кирүү жана чыгууларга чектөө киргизилет, массалык иш-чаралар, анын ичинде спорт жана оюн-зоок өткөрүлбөйт.
Ошондой эле жарлык менен Каракалпакстан Өзгөчө кырдаал комиссиясынын төрагалыгы түзүлүп, төрага болуп Өзбекстандын Улуттук гвардиясынын колбашчысы Рустам Жораев дайындалды.
Президент Мирзиёев кечээ нааразылык демонстрациялары өткөн Каракалпакстан Автономиялык Республикасынын борбору Нукус шаарына барып, облустун жетекчилери менен жолугушту.
Мирзиеев бул жерде өз сөзүндө Каракалпакстандын статусуна байланыштуу конституциялык беренелер элдин пикирин эске алуу менен өзгөртүлбөй турганын айтты.
