Кыргызстандагы парламенттик шайлоонун расмий жыйынтыгы чыгарылды
Борбордук шайлоо комиссиясынын расмий сайтындагы акыркы жыйынтыкка байланыштуу чечимге ылайык, катталган 3 миллион 703 миң 420 шайлоочунун 1 миллион 281 миң 622си 2 миң 494 үкөктө добушун берди.
Кыргызстанда 28-ноябрда өткөн парламенттик шайлоонун расмий жыйынтыгы чыгарылды.
Борбордук шайлоо комиссиясынын расмий сайтындагы акыркы жыйынтыкка байланыштуу чечимге ылайык, катталган 3 миллион 703 миң 420 шайлоочунун 1 миллион 281 миң 622си 2 миң 494 үкөктө добушун берди.
Шайлоо 34,94 пайыз добуш менен өттү.
Шайлоого катышкан саясий партиялар боюнча жарактуу добуштарды бөлүштүрүү жана бул бөлүштүрүүнүн пропорциялары боюнча 21 саясий партиянын шайлоосунда 6 партия республикалык 5 пайыздык жана 0,5 пайыздык аймактык шайлоо босогосунан ашты.
Парламентке 222 миң 5 добуш менен «Ата Журт Кыргызстан» 15, «Ишеним» 174 миң 470 добуш менен 12, «Ынтымак» 141 миң 9 добуш менен 9, «Альянс» 106 миң 955 добуш менен 7, «Бүтүн Кыргызстан» 90 миң 223 добуш менен 6, ал эми «Ыйман Нуру» 79 миң 25 добуш менен 5 депутат киргизди.
Калган 15 саясий партиянын талапкерлери депутат боло алган жок.
Ошентип, Кыргызстандын 7-жолу шайланган парламентинде 54 мандат саясий партияларга, 36 мандат көз карандысыз талапкерлерге таандык.
