Эроглу Европа Парламентине каршылык көрсөттү

Европа Парламентинин жоголгон кишилерге байланыштуу Түркияны айыптоо токтомун чыгарышы, Түндүк Кипр Түрк Республикасында катуу каршылык көрдү.
Түндүк Кипр Түрк Республикасынын Президенти Дервиш Эроглу токтомго жана токтом тууралуу басма сөздө чыккан кабарларга жазуу түрүндө каршылык көрсөттү.
Эроглу анда Европа Парламентинин Башкы Ассамблеясынын 2015-жылы 12-февралдагы отурумунда чыгарган токтомунда жана айрым медиа мекемелеринде чыккан кабарларда, Кипрдагы жоголгон кишилер жана Түркия Республикасына байланыштуу, коомдук пикирди жаңылтуучу, негизи туура эмес, үгүттөөчү жана бир жактуу маалыматтар берилгенин белгиледи.
Президент Эроглу Европа Парламентинде бир жактуу көз караш менен чыккан токтомдо, көпчүлүгү аял, улгайган жана балдардан турган 126 кипр жараны түрктүн румдар тарабынан кыргынга учуратылган Муратага, Атлылар, Сандаллар жана толугу жарандардан турган Терази-Татлысу-Ташкент кыргындарына эч токтолбой коюшунун, бул токтомдун бир жактуу жана жаңылтуучу болгонунун көрсөткүчү экенин белгиледи.
Жоголгон шаарлар комитетинин- эки коомчулуктуу жана Бириккен Улуттар Уюму тарабынан дайындалган үчүнчү мүчө кызмат кылган автономиялуу комитет катары иштегенин эске салган Эроглу, комитеттин Аралдагы түрк жооптуулар менен карым-катнаштарынын абдан шайкеш жана кызматташтыкта уланганын белгиледи.
Айрым казуу жерлерине байланыштуу иш-чаралардын уланганын белгилеген Эроглу, бул изилдөөлөр жыйынтыкталбастан бул темага байланыштуу аралдагы түрк аскердик органдарын күнөөлөөнүн жаңылыш, акысыз жана адам укуктарына терс мамиле болоорун баса белгиледи.