Джанни Инфантино ФИФАнын төрагалыгына кайрадан шайланды

Джанни Инфантино футболдун чатыр уюму болгон ФИФАнын төрагасы болуп кайра шайланды.

Руанданын борбор шаары Кигалиде өткөрүлгөн ФИФАнын 73-конгрессинде төрагалыкка шайлоо өткөрүлдү.

Шайлоого бир гана талапкер болуп кирген 52 жаштагы Инфантино 2027 – жылга чейин төрагалык кызматын аткарат.

Инфантино шайлоодон кийин ыраазычылык билдирген сөзүндө : «ФИФАнын  төрагасы болуу өзүнчө сыймык, өзгөчөлүк жана жоопкерчилик. Берген колдооңуздар мени сыймыктандырды. Мени жакшы көргөндүрдүн жаман көргөндөрдөн дагы көп экендигин  билемин. Баарыңыздарды жакшы көрөмүн»,- деди.