Аргентина 2022-жылкы Дүйнө чемпиону болду

Катарда өткөн турнирдин финалында Аргентина менен акыркы чемпион Франция беттешти.

Лусаил стадионунда ойнолгон беттешти эффективдүү баштаган Аргентина 23-мүнөттө жылдыз оюнчу Лионель Мессинин пенальтиден киргизген голу менен 1-0 алдыга чыкты.

Эч кандай позиция жарата албаган Франция менен беттешүүсүндө «Тангочулар» 36-мүнөттө Ангел Ди Мария менен айырмачылыкты 2ге көбөйттү. Эсеп: 2-0.

Аргентина биринчи таймды 2:0 эсебинде артыкчылык менен аяктады.

Оюндун акыркы 10 мүнөтүндө Франция эң сонун ийгилик көрсөтө алды.

«Короздор» Килиан Мбаппенин 97 секундда киргизген голдору менен оюнду теңдеди. Биринчи болуп 80-мүнөттө пенальтиден жана 81-мүнөттө учкан топту токтотпой тээп киргизип эсепти 2-2 кылды.

Калган мүнөттөрдө эки команда тең ээлеген позицияларынан пайдалана албай, беттештин негизги убактысы 2:2 эсебинде тең чыгуу менен аяктады.

Биринчи кошумча убакытта теңдик бузулган жок.

Беттештин 108-мүнөтүндө кайрадан өзүн көрсөткөн Лионель Месси Аргентинаны кайрадан алдыга чыгарып эсепти 3-2 кылды.

Бирок Франция моюн сунбай 118-мүнөттө Мбаппе пенальти менен эсепти 3-3 кылды.

Кошумча убакыттарда теңдик бузулбай, пенальтилер сериясы өткөрүлдү.

Пенальтиде Франциядан 4-2 эсебинде артыкчылыкка ээ болгон Аргентина 2022-жылкы футбол боюнча дүйнөлүк чемпионатта чемпиондукка жетишти.