Улуттук күрөшчүлөр Тунистеги турнирде 7 медалга жетишти

Тунисте өткөрүлгөн Zouhaier Sghaier Ranking Seriesте  улуттук балбандар 5 алтын, 1 күмүш жана 1 коло медалга ээ болушту.

Грек-рим стилиндеги эркектер курама командасы 160 упай алып биринчилик менен аяктады. Индия экинчи, Тунис үчүнчү орунду алды.

Акыркы күндөгү мелдештерде улуттук балбандардан Мурат Даг 72 килограммда мелдешке чыгып тунистик атаандаштарын жеңип алтын медалдын ээси болду. 82 килограмм салмакта күч сынашкан Эмрах Куш тунистик жана индиялык атаандаштарын техникалык артыкчылык менен жеңип, алтын медалга жетишти.  77 килограммда аянтка чыккан Фуркан Байрак финалда болгариялык атаандашына жеңилип, күмүш медалдын ээси болду. 57 килограммда күч сынашкан Эльвира Камалоглу финалда бразилиялык атаандашына жеңилип, күмүш медалга жетишти.

Өткөн күндөрдө болгон мелдештерде улуттук спортчулар 3 алтын жана 1 коло медалга ээ болушкан. Ошентип, улуттук спортчулар мелдеште жалпысынан 7 медалга ээ болуп анын бешөө алтын.