Аргентина кийинки турга өттү

Орусияда өтүп жаткан Футбол боюнча дүйнөлүк чемпионаттын «D» тайпасында Нигерия менен Аргентина беттешти.

Санкт-Петербургдун стадионундагы оюнду түрк калысы Жүнейт Чакыр башкарды.

Аргентина 14-мүнөттө Месси киргизген гол менен алдыга өттү. Нигерия 51-мүнөттө пенальтиден Мосестин киргизген голу менен оюнду теңдеди.

86-мүнөттө Аргентинанын экинчи голун Рожо киргизди.

Аргентина Нигенияны 2-1 эсебинде утуп алып, 4 баллы болгондуктан бир жогорку турга чыга алды. Нигерия болсо турнирден чыгып калды.