Португалияга Ирандын күчү жетпей турнирден чыгып калды

Орусияда өтүп жаткан Футбол боюнча дүйнөлүк чемпионаттын «В» тайпасында Иран менен Португалия беттешти.

Саранск шаарындагы Мордовия Аренада беттешкен жана катуу таймаш болгон оюн 1-1 болуп теңме-тең бүттү.

Португалия 45-мүнөттө Куарежманын кигизген голу менен 1-0 алдыга өттү. Андан соң Роналду 53-мүнөттөгү пенальтиден тебүүсүн киргизе албай калды.

Оюндун акырында Иран оюнун күчөттү жана видео калыс системасынын чечими менен пенальтиге ээ болду.

90-мүнөттө пенальтиден гол киргизген Карим Ансарифард, оюнду теңдеди.

Оюндун акырында Иран гол киргизе албай калган соң 4 балл менен турнирден чыгып калды.

Баллын 5ке жеткирген Португалия болсо Испаниядан кийин тайпада экинчиликти алып атын кийинки турга жаздырды.