АКШ менен Улуу Британия Йемендеги хуситтерге биргелешип чабуул коюшту
АКШнын Коргоо министрлигинен жасалган билдирүүдө хуситтердин Кызыл деңиздеги кол салууларынан улам бутага алынганы белгиленди.
Америка Кошмо Штаттары (АКШ) менен Улуу Британия Йемендеги хуситтерге таандык 36 бутага биргелешип чабуул коюшту.
АКШнын Коргоо министрлигинен жасалган билдирүүдө хуситтердин Кызыл деңиздеги кол салууларынан улам бутага алынганы белгиленди.
Билдирүүдө АКШ менен Улуу Британиянын Йемендин 13 башка аймагында хуситтерге таандык жалпы 36 бутага абадан сокку ургандыгы жана бул кол салууларда хусилердин курал кампалары, ракета системалары жана рампалары, абадан коргонуу системалары жана радарлары бутага алынганы белгиленди.
АКШнын Борбордук командирлиги (CENTCOM) да Йеменден Кызыл деңизге учурууга даярданган хуситтерге таандык 6 кемеге каршы ракетанын жок кылынганын жарыялады.
Йемендеги Иран колдогон хуситтер да АКШ менен Улуу Британиянын борбор калаа Сана менен кошо 5 шаарга кол салганын кабарлашты.
Хуситтер менен байланышы бар Al-Mesirah телеканалынын X социалдык медиа эсебинен жасалган билдирүүдө АКШ менен Улуу Британиянын Земар, Хажжа жана Эль-Байда шаарлары менен Сананы бутага алганы белгиленди.
Хуситтерге байланышы бар «Ансаруллах» маалымат сайтында АКШ менен Улуу Британиянын Таиз шаарындагы Хайфан жана Эль-Берах аймактарына 11 жолу абадан кол салуу жасалганы кабарланды.
Хуситтер мурдараак АКШ менен Улуу Британиянын Худейде шаарындагы аль-Лухайя жана Дурайхими шаарларына чабуул жасаганын жарыялашкан.
Кызыл деңиздеги абал
Йемендеги хуситтер Ирандын колдоосу менен Израилдин Газадагы кол салууларына каршы чыгуу катары 31-октябрда Йемендин жээктеринде Израилдик фирмаларга байланышы бар коммерциялык кемелерди басып алып, айрымдарына дрондор жана ракеталар менен кол сала башташты.
АКШ күчтөрү бул мезгилде Йеменден көп жолу атылган ракеталарды жана камикадзе дрондорду атып түшүрүшкөнүн жарыялашты.
Хусийлердин аракеттеринен кийин көптөгөн жүк ташуучу компаниялар Кызыл деңиздеги саякаттарын токтотуу чечимине келди.
Америка Кошмо Штаттары 18-декабрда глобалдык деңиз соодасы коопсуздугу коркунучта деген жүйө менен бир топ өлкөнүн катышуусу менен хусит күчтөрүнө каршы «Бакыттын сакчысы» аттуу көп улуттуу «деңиз жумушчу тобу» түзүлгөнүн жарыялады.
Кызыл деңизде 31-декабрда Израилге байланышы бар кемени басып алууга аракет кылган хуситтерге таандык 3 катер АКШнын тик учактары тарабынан аткыланган.
Хуситтер 10-январда АКШнын кемеси Израилди колдогон деген негиз менен Кызыл деңизде ракета жана камикадзе дрондор менен бутага алынганын жарыялашты.
