11-апрелден баштап ажылыкка каттоо иши башталат

Бул тууралуу Кыргызстан мусулмандарынын дин башкармалыгынын басма сөз кызматы билдирди.
2016-жылкы ажылык сапарына баруучуларды каттоо иши 11-апрелден, 11-майга чейин Кыргызстан мусулмандарынын дин башкармасынын түзүмүндөгү облустук, шаардык казыяттарда жана райондук хатибияттарда жүргүзүлөт.

Муфтияттын билдиришинче, каттоо иши Кыргызстандын бардык аймактарында өткөрүлүп, жалпысы болуп 34 каттоо пункту ишке кирмекчи. Ысык-Көл, Нарын, Талас, Бишкек жана Ош шаарында каттоо иши казыяттарда гана жүргүзүлөт. Ал эми Баткен, Чүй, Жалал-Абад, Ош облусунда ажыларды каттоо иши казыяттарда жана райондордо өтүп, жалпысы болуп 29 каттоо пункту ишке кирмекчи.

"Кабар" маалымат агенттиги