"Take Off Istanbul" 11-12-декабрда Стамбулда

Демилгечилердин жана технология дүйнөсүнүн эң престиждүү жолугушуу жери болгон "Take Off Istanbul" 2024-жылдын 11-12-декабрында Стамбул Экспо борборунда эшигин ачат.

Түрк технология командасы фондунун (T3 Vakfı) жетекчилигинде уюштурулган иш-чара 2018-жылдан бери инновациялык идеяларды, демилгечилерди жана инвесторлорду бириктирип келечектин жолун чийүүдө.

Take Off Istanbul 2024, демилгечилерге аянтчаны гана сунуш кылбастан аларды сыйлыктар менен да кубаттайт.

Демилгечилер иш-чаранын жүрүшүндө стенддерде өз долбоорлорун көрсөтүү менен кеңири аудиторияга жетүү мүмкүнчүлүгүнө ээ болушат, ошондой эле networking мүмкүнчүлүктөрүнүн негизинде тармактын башка адистери менен таанышышат жана инвестициялык мекемелер менен жекеме-жеке жолугушууларды өткөрүшөт. 

Шыктандыруучу баяндамачылар ишкерлерге жол көрсөтүп, түрткү берет. Кошумчалай кетсек, Take Off 20 концепциясы менен эң жаңычыл жана амбициялуу демилгелер инвестициялык/гранттык сыйлыктарды утуп алуу мүмкүнчүлүгүнө ээ болушат.

Мындан тышкары иш-чарадагы өнөктөш мекемелер жана демөөрчүлөр тарабынан сунушталган атайын сыйлыктар демилгечилердин дүйнөлүк рынокко ачылуу жолун бекемдейт.