Экономика боюнча Нобель сыйлыгы түрк профессоруна ыйгарылды

2024-жылдагы Нобель экономика сыйлыгына, мекемелердин пайда болушу жана бакубатчылыкка тийгизген таасири боюнча изилдөөлөрүнөн улам түрк профессору Дарон Ажемоглу менен бирге Саймон Жонсон жана Жеймс Робинсон татыктуу болушту.

Швециянын Падышалык илимдер академиясында өткөрүлгөн басма сөз жыйынында Нобель экономика сыйлыгынын ээлери жарыяланды.

Билдирүүдө 2024-жылдагы Нобель экономика сыйлыгын мекемелердин пайда болушу жана бакубатчылыкка тийгизген таасири боюнча изилдөөлөрүнөн улам түрк профессору доктор Дарон Ажемоглу, британ профессору доктор Саймон Жонсон жана британ профессору доктор Жеймс Робинсондун ээ болгондугу айтылды.

2023-жылдагы Нобель экономика сыйлыгын аялдардын эмгек рыногундагы ордуна байланыштуу изилдөөлөрү үчүн Гарвард университетинде иштеген америкалык профессор Клаудиа Голдин алган.