5 - Дүйнөлүк көчмөндөр оюндары эртең Казакстанда башталат

5 -  Дүйнөлүк көчмөндөр оюндары "Улу дала дүбири" (Улуу талаа жолугушуусу)  деген ураан менен эртең  Казакстанда башталат. 

"Дүйнөдөгү салттуу спорттук олимпиадалары" катары  2 жылда бир өткөрүлгөн жана бул жылы  8  - 13 -  сентябрда бешинчиси борбор шаар Астанада өткөрүлө турган Дүйнөлүк көчмөндөр оюндарына 90 өлкөдөн 2 миңден ашуун спортчу катышат. 

«Астана Арена» стадионундагы ачылыш аземине 10дон ашуун өлкөнүн мамлекет башчыларынын катышуусу жана Дүйнөлүк этноспорт конфедерациясынын президенти Билал Эрдогандын дүйнөнүн ар кайсы аймактарынан келген салттуу спортчуларга кайрылуусу пландалууда.

Алгачкы үчөөсү Чолпон  Ата шаарында, төртүнчүс Бурсанын Изик шаарында өткөрүлгөн Дүйнөлүк көчмөндөр оюндарынын бешинчиси биринчи жолу бир борбор шаарда өткөрүлүшү менен өзгөчөлөнүүдө,

Дүйнөлүк көчмөндөр оюндары Казакстандын туризм жана спорт министрлиги, БУУнун билим берүү, саламаттыкты сактоо, маданият уюму (ЮНЕСКО), Түрк Мамлекеттери Уюму (ТМУ), Бүткүл дүйнөлүк этноспорт конфедерациясы жана Казакстандын этноспорт союзу сыяктуу  уюмдар менен биргеликте уюштурулууда. 

Оюндардын алкагында ат оюндары, салттуу интеллектуалдык оюндар, согуш өнөрлөрү, жаа атуу жана куш салуу сыяктуу салттуу спорттун 21 түрү боюнча мелдештер өткөрүлөт.

Дүйнөлүк көчмөндөр оюндары бир гана спорттук иш-чара эле эмес, маданият, илим сыяктуу этаптардан да турат.

Оюндардын көбү ат оюндарынан турат. 5 -  Дүйнөлүк көчмөндөр оюндарына катыша турган командалар үчүн 400 жылкы даярдалды.

Коңшу мамлекеттер Өзбекстан менен Кыргызстандын спортчулары гана өздөрүнүн аттары менен катышат.