Түрк ашканасынын даамдары Хорватия жана Египетте таанытылды

Түрк ашканасынын даамдары Хорватия жана Египетте таанытылды.

Президенттиктин колдоосунда быйыл экинчи жолу уюштурулган Түрк ашканасынын жумалыгы Хорватиянын борбор шаары Загребде түрдүү иш-чаралар менен белгиленди.

Түрк ашканасынын жумалыгына байланыштуу Түркиянын Загреб элчилигинин координациясында иш-чара өткөрүлдү.

Иш-чаранын алкагында өткөн жылы гастрономия тармагында Президенттиктин маданият жана искусство чоң сыйлыктары менен сыйланган ашпозчу Юнус Эмре Аккор Түркиянын жергиликтүү тамактарын жасады.

Миң жылдан ашуун маданияттын, каада-салттын, коомдук мурастын, аңгеменин жана терең тажрыйбанын жемиши болгон бай түрк ашканасынын даамдары конокторго тартууланды.

Египеттин борбор шаары Каирде да түрк ашканасы таанытылды.

Түркиянын Каирдеги элчилигинде иш-чара болуп, Хатайдан келген түрк ашканасы жана даамдары тааныштырылды.

Каир элчилигинде өткөн иш-чарага көптөгөн өнөрпоздор, мамлекеттик ишмерлер жана чет элдик өкүлчүлүктөрдүн өкүлдөрү катышты.

Иш-чаранын алкагында катышуучулар түрк ашканасы менен таанышууга мүмкүнчүлүк алышты жана Хатай тамактарынан даам татышты.