Сауд Арабиясы умра зыяраттары үчүн виза сурамдары бүгүнтөн тарта кабыл алынарын жарыялады

Сауд Арабиясы ажылык сапарлар аяктагандан кийин умра зыяраттары үчүн виза сурамдары бүгүнтөн тарта кабыл алынарын жарыялады.

Сауд Арабиянын Ажылык жана умра министрлигинен берилген жазуу түрүндөгү маалыматта, умра үчүн Меккеге жана Мединага да Мечит-и Небавиге зыярат кылуу үчүн чет өлкөдөн бардык өлкөлөрдөн кайрылууга боло турганы белгиленди.

Билдирүүдө 30-июлдан тарта өлкөнүн ичинен да, тышынан да умра зыяраттарынын жасала турганы билдирилип, Сауд Арабиянын ичинен умра кылууну каалагандардын онлайн түрдө кайрыла ала турганы белгиленди.

Жаңы типтеги коронавирустун (Ковид-19) эпидемиясынан улам 2020-2021-жылдары чет өлкөдөн зыяратчыларды кабыл албаган Сауд Арабиясы быйылкы ажылык сезонунда өлкө ичинен жана чет өлкөдөн жалпысынан бир миллион зыяратчыны кабыл ала турганын жарыялаган болчу.