Түркиянын спутниги Türksat 5A миссиясын өтөөгө даяр

Түркияны спутниктик байланышта алдыңкы өлкөлөрдүн лигасына жеткире турган Türksat 5A миссиясына даяр.

Türksat 5A космоско 8-январда АКШнын Флорида штатындагы Кейп Канаверал базасынан учурулган.

Төрт айлык саякаттан кийин 31 градус чыгыш орбитасына отурган спутник бир жарым айлык сыноо мезгилин ийгиликтүү аяктады.

Жаңы муундагы спутник президент Режеп Таййип Эрдогандын катышуусунда Түрксаттын Анкара Гөлбашы кампусунда өткөрүлө турган аземден кийин ишин баштайт.

Байланыш спутниги пайдаланууга берилгенден кийин, ал Түркия менен Европаны, Жакынкы Чыгышты, Түндүк Африканы, Орто-Батыш жана Түштүк Африканы, ошондой эле Жер Ортолук, Эгей жана Кара деңиздерди камтыйт.

Спутник телекөрсөтүү менен маалыматтык байланыш кызматында Түркияны дүйнөдө жаңы Ku-Band колдонгон алдыңкы өлкөлөрдүн лигасына алып барат.

Türksat 5A электр кыймылдаткыч тутумунун жардамы менен 30 жылдан ашуун убакыт бою телекөрсөтүү жана байланыш тармактарында кызмат көрсөтөт.