Түркиядан Грецияга Карийе мечити боюнча жооп...

Түркиядан Грецияга Карийе мечити боюнча жооп...

Тышкы иштер министрлигинин басма сөз катчысы Хами Аксой, Карийе мечитинин Аясофия-и Кебир мечити-и Шерифи сыяктуу Түркиянын мүлкү болуп саналган маданий байлык экендигине көңүл бурду.

Катчы Аксой, Карийе мечитинин ибадатка ачылышына байланыштуу Грециянын Тышкы иштер министрлигинин берген билдирүүсүнө байланыштуу берген жазуу жүзүндөгү жообунда: «Дүйнөлүк мурастар чөйрөсүндөгү статустун өзгөрүшү Бириккен Улуттар Уюмунун Билим берүү, илим жана маданият боюнча уюмунун (ЮНЕСКО) Бүткүл дүйнөлүк маданий жана табигый мурастарды коргоо жөнүндө Конвенциясынын бузулушун билдирбейт», деди.

Түркиядагы маданий мүлктөрдүн эң кылдат түрдө корголгонуна көңүл бурган Аксой, «Биз бардык маданий баалуулуктарыбызды маданиятыбыздан жана тарыхыбыздан келип чыккан толеранттуулук салтында, ошондой эле эл аралык жыйындарда келип чыккан укуктарыбыз менен милдеттерибиздин алкагында кылдаттык менен коргойбуз»,деген түшүндүрмө жасады.

Аксой, Греция өз өлкөсүндөгү Осмон мечиттерин жана намазканаларын чиркөөлөргө айландырганын жана эл аралык келишимдерге карабастан түрк азчылыгынын адам укуктарын жана эркиндиктерин ар кандай кысымчылык иш-аракеттери менен чектегенин айтты жана өз билдирүүсүндө төмөнкүлөргө токтолду: «Грециянын бул маселе боюнча бизге насаат айтууга болгон аракети чекти ашкандык болот. Грециянын тарыхый комплекстери менен чөлкөмдө жасалма күн тартибин жаратуу аракети ийгиликсиз аяктайт. Биз Грецияны өзүнүн тарыхы менен кайрадан жарашууга жана мусулмандарга өз өлкөсүндө сыйынуу үчүн керектүү шарттарды түзүп берүүгө чакырабыз».