Дүйнөгө белгилүү режиссер Тобе Хупер 74 жашында каза болду

Коркуу кинолорунун режиссеру Хупердин Лос Анжелестеги үйүндө табигый себептерден каза болгондугу билдирилди.

Сценарист, продюссер жана режиссер катары билинген Хупер 1943 -  жылы 25 -  январда Тексастын Аустин шаарында туулган. Америкалык режиссер карьерасын 1960 -  жылдарда оператор катары баштаган.

Коркуу кинолорду тартууда жол башчылык кылган Хупер 1974 -  жылы «Тексас кыргыны» деген киносун тарткан. 300 миң доллардан аз бюджет менен тарткан «Тексас кырыгыны» тармагындагы эң таасирдүү кинолордун бири болду.

1982 -  жылы болсо аңгемесин Стивен Спилберг жазган «Жаман рух» киносун тартты.