Түрк лососунун экспорту
Өткөн жылы түрк лосось балыгы Түркиядан 46 өлкөгө сатылды.
Түркиянын лосось экспорту 2024-жылы мурунку жылга салыштырмалуу 26 пайызга өсүп 497 миллион 968 миң 66 долларга жетти.
Чыгыш Кара деңиз экспортчулар бирикмесинин (DKİB) маалыматына караганда, ички сууларда курулган чарбаларда белгилүү бир салмакка жеткенден кийин Кара деңиздеги капастарда өстүрүлгөн түрк лососунда 2023-жылы 396 миллион 294 миң 502 доллар болгон экспорт 2024-жылы 497 миллион 968 миң 66 долларга өстү.
Экспорт сан жагынан болсо 63 миң 158 тоннадан 78 миң 76 тоннага көбөйдү. Ушундайча былтыркы экспорт мурунку жылга салыштырмалуу сан жагынан 24 пайызга, нарк жагынан 26 пайызга жогорулады.
Өткөн жылы түрк лосось балыгы Түркиядан 46 өлкөгө, өзгөчө Орусия Федерациясына сатылды.
Аталган мезгилде Орусия Федерациясына 355 миллион 685 миң 203 долларлык 58 миң 342 тонна лосось экспорттолду. Орусия Федерациясынан кийин 35 миллион 761 миң 152 доллар менен Германия жана 26 миллион 565 миң 457 доллар менен Вьетнам турат.
Өткөн жылы Чыгыш Кара деңизден Орусия Федерациясы баш болгон 21 өлкөгө 191 миллион 455 миң 378 долларлык 30 миң 971 тонна лосось экспорттолду.
Тектеш кабарлар
Стамбул каржы борборунун кызматташтыгы
Финансы секторунун жүрөгү «Стамбул каржы борбору» жаңы кызматташтыктар менен дагы да өсүп жатат.
Түркиянын мисте экспорту
2024-жылы экспорт мурунку жылга салыштырмалуу 52 пайызга өсүп 229 миллион 777 миң долларды түздү.
