Түркиянын фундук экспорту

Түркия акыркы 10 сезондо фундук экспортунан 20 миллиард 789 миллион 745 миң 561 долларлык киреше тапты.

Кара деңиз фундук жана азыктарын экспорттоочулар биримдигинин (KFMİB) маалыматына караганда, Түркия 2014-2015 жана 2023-2024-жылдар аралыгындагы 10 сезондо 124 өлкөгө 2 миллион 828 миң 178 тонна фундук экспорттоду.

Бул экспорттон 20 миллиард 789 миллион 745 миң 561 долларлык киреше түштү.

Аталган жылдар аралыгында сан жагынан эң көп сатуу 2019-жылдын 1-сентябрында башталып 2020-жылдын 31-августунда аяктаган сезондо 343 миң 561 тонна болду.

Бул көрсөткүч Республика тарыхында рекорддук көрсөткүч катары катталды.

Эң жогорку киреше болсо 2014-2015-жылдардагы сезондо камсыздалды.

Бул сезондо фундук азыктарын сатуудан 2 миллиард 799 миллион 529 миң 618 долларлык киреше алынды.

2023-2024-жылдардагы экспорттук сезондо 303 миң 457 тонна фундук 2 миллиард 349 миллион 115 долларга сатылды.

Акыркы 10 экспорт мезгилинде фундук экспорттолгон өлкөлөр негизинен Европа өлкөлөрү болду.

Германия, Италия жана Франция эң көп экспорт кылынган алдыңкы үч өлкө рейтингинде өз ордун ээледи.

Кытай, Индия жана Америка континентиндеги өлкөлөргө экспорттун көлөмү да жыл сайын ылдам өсүүдө.