Түрк-Араб экономикалык форуму

Казына жана каржы министри Мехмет Шимшек, глобалдык жасалма интеллект төңкөрүшү болуп жатканын билдирди.

15-Түрк-Араб экономикалык форуму Стамбулда башталды.

Форумга Кувейт, Ирак, Египет, Ливия жана Тунистин өкмөт, бизнес жана каржы секторунун өкүлдөрү катышты.

Форумдун алкагында өткөрүлгөн «Түркия жана Араб дүйнөсү: Инвестиция, соода жана Технологияда глобалдык коридор» аттуу панелдин модераторлугун казына жана каржы министри Мехмет Шимшек ишке ашырды.

Глобалдык жасалма интеллект төңкөрүшү болуп жатканына көңүл бурган Мехмет Шимшек: «Натыйжада бир гана өнөр жайда эмес, жашообуздун ар бир чен-өлчөмүндө төңкөрүш болот. Ошондуктан бул төңкөрүштү өткөрүп жибере албайбыз. Калк барган сайын карып баратат. Кагылышуулар ​​жана геосаясий тирешүүлөр да коркунуч жаратууда. Мунун баары дүйнөлүк өсүштү азайтат»,- деди.

Глобалдык экономикадагы белгисиздиктерге көңүл бурган Мехмет Шимшек: «Түрк жана Араб дүйнөсүнүн ортосундагы экономикалык коридорлор өнүктүрүлүшү керек»,-деди.

Казына жана каржы министри Мехмет Шимшек Түркия менен Араб дүйнөсүнүн ортосунда абдан пайдалуу кызматташтыктар түзүлүшү мүмкүн экенин айтып, тараптардын көптөгөн тармактарда бири-бирин толуктай турган потенциалга ээ экенин баса белгиледи.