Болат АКШда көптөгөн өлкөнүн бизнес өкүлдөрү менен жолугушту

Соода министри Өмер Болат Америка Кошмо Штаттарында (АКШ) көптөгөн өлкөнүн бизнес өкүлдөрү менен жолугушту.

Президент Режеп Таййип Эрдоганды Бириккен Улуттар Уюмунун (БУУ) 79-Башкы Ассамблеясына катышуу үчүн Нью-Йоркко коштоп барган Өмер Болат X социалдык медиа эсебинен АКШдагы жолугушуулары тууралуу бөлүштү.

Министр Болат: «Нью-Йоркто эки күндөн бери уланып жаткан эки тараптуу жана көп тараптуу жолугушууларыбыздын алкагында дүйнөнүн көптөгөн өлкөлөрүнөн келген америкалык жана бизнес өкүлдөрү менен жолугуп, өлкөбүздүн потенциалын түшүндүрүп жатабыз»,-деди.

Бул алкакта АКШнын Соода палатасынын жетекчиси Сюзанна Кларк менен жолугушкандарын белгилеген Болат жолугушууда Түркиядагы инвестиция чөйрөсү жана мүмкүн болуучу мүмкүнчүлүктөр сүйлөшүлгөнүн билдирди.

Болат, Түркиянын дүйнөлүк сооданын өзгөрүп жаткан процессинде өндүрүш жөндөмү, дүйнөлүк рынок менен күчтүү тармагы, жумушчу күчү потенциалы жана камсыздоо каналдары менен экспорттук база катары өзгөчөлөнүп жатканын баса белгиледи.

Болат, Соода министрлиги катары санариптик жана жашыл трансформация процессиндеги жол карталары жана ишке ашырган жаңычыл саясаттары менен Түркиянын бул потенциалын инвесторлор үчүн дагы да пайдалуу кылуу үчүн аракет кылып жатышканына көңүл буруп: «Түркия, соода жана экономикалык тармактарда таштаган чечкиндүү кадамдары менен бүгүнкүдөй келечекте да инвесторлор жана эл аралык компаниялар үчүн маанилүү тартуу борбору болууну улантат»,-деди.