Антальяга келген туристтердин санында рекорд

1-январдан 30-ноябрга чейин Антальяга келген туристтердин саны 15 миллион 371 миң 773кө жетип, бардык убакыттардын рекордун жаңылады.

Облустук маданият жана туризм башкармалыгынын маалыматына караганда 1-январдан 30-ноябрга чейин Антальяга келген туристтердин саны 15 миллион 371 миң 773кө жетип, туризмде рекорддук жыл катары билинген 2019-жылды артка калтырды.

Антальяга быйыл эң көп турист жөнөткөн өлкөлөрдүн тизмесинде Орусия 3 миллион 401 миң 704 турист менен биринчи, Германия 3 миллион 285 миң 822 турист менен экинчи, Англия 1 миллион 188 миң 263 турист менен үчүнчү, 1 миллион 58 миң 943 турист менен Польша төртүнчү орунду  ээледи. 

Бул өлкөлөрдөн кийин Нидерландия, Казакстан, Румыния жана Чехия турат.