Түркиядан IDEXке рекорддук катышуу

Түрк коргоо өнөр жайы Бириккен Араб Эмирликтеринде (БАЭ) акыркы жылдарда эң көп катышуу менен өткөн коргонуу өнөр жайы иш-чарасында өз ордун алды.

IDEX Эл аралык Коргонуу Көргөзмө жана Конференциясы Бириккен Араб Эмирликтеринин борбор шаары Абу-Дабиде коргонуу өнөр жайы жана дүйнөнүн төрт бурчунан келген өлкөлөрдүн жогорку деңгээлдеги расмий делегацияларынын катышуусунда башталды.

Уюм Жакынкы Чыгыш жана Түндүк Африка (MENA) аймагында өткөрүлгөн жалгыз эл аралык коргонуу жарманкеси жана конференциясы катары айырмаланат. Жарманкеде кургактык, деңиз жана абадан коргонуу тармагындагы эң акыркы технологиялар таанытылат.

Түркия жарманкеге 50дөн ашуун коргоо өнөр жай фирмасы менен катышууда.

Жарманкеде түрк коргоо өнөр жай ишканалары тарабынан өндүрүлгөн ар кандай айдоочусуз кургактык унаалары жана учкучсуз учуучу аппараттары, бронетранспортерлер платформалары, курал системалары, электрондук системалар, ок-дарылар, симуляторлор жана логистикалык колдоо буюмдары, өзгөчө MENA аймагынан баштап бардык катышуучуларга сунушталат.

IDEX менен түрк коргоо өнөр жай ишканалары менен жарманкеге катышкан өлкөлөрдүн ортосунда жаңы долбоорлор менен кызматташтык потенциалын өнүктүрүүгө жана тереңдетүүгө негиз түзүүнү максат кылууда.