Түркия 115 өлкөгө кургатылган өрүктү экспорттоду

Түркия ушул жылдын 10 айында өндүрүшүндө алдыңкы орунда болгон кургатылган өрүктү 115 өлкөгө экспорттоду.

Европа Биримдигинде (ЕБ) географиялык көрсөткүчү катталган Малатия өрүгү өлкөнүн экономикасына берген валютасы менен өндүрүүчүлөрдү да, экспорттоочуларды да жылмайтууда.

Үстүбүздөгү жылдын 10 айында өндүрүш жана экспортто алдыңкы орунда болгон кургатылган өрүктү 115 өлкөгө жөнөткөн Түркия дүйнөдөгү кургатылган өрүк экспортунун 57 пайызын жалгыз көтөрүүдө.

Өрүк Малатияда жашаган элдин эң негизги киреше булагы. Шаарда өндүрүлгөн жаңы өрүктүн 90-95% кургатылган жана экспорттолот.

Июнь айында башталып, июль айынын аягында бүтө турган терип-жыюу иштеринен кийин кургатылган өрүктөр дүйнөнүн булуң-бурчтарына жөнөтүлөт.

Малатиянын соода биржасынын маалыматына караганда 2020-жылы экспорттолгон 90 миң 317 тонна кургатылган өрүктөн 266 миллион доллар киреше алынды. 2021-жылы 90 миң 203 тонна экспорттолуп 347 миллион 905 миң доллар киреше берген кургатылган өрүк, быйылкы жылдын 10 айында 57 миң 127 тонна тышкы сатуу менен 301 миллион 119 миң доллар киреше тапты.

Түркия 100 миң тонна кургатылган өрүк экспорту жана 500 миллион доллар киреше алуу максатына карай бекем кадам таштоодо.