Түркиядан 42 өлкөгө бал экспорту

Түркиядан жылдын биринчи үч айында 42 өлкөгө бал экспорттолду.

Чыгыш Кара деңиз экспортчулар биримдигинин маалыматына караганда, 2022-жылдын январь-март айларында Түркиядан 42 өлкөгө 4 миң 421 тонна бал сатылды. Бул экспорттон 11 миллион 302 миң 715 долларлык киреше түштү.

Түркиянын жылдын биринчи чейрегиндеги бал экспорту, 1686 тоннадан 6 миллион 327 миң 811 долларлык киреше алган 2021-жылдын тийиштүү мезгилине салыштырмалуу салмагы жагынан 162 пайыз, нарк жагынан 79 пайызга өстү.

Бал экспортунда 3 миллион 154 миң 930 доллар менен Америка Кошмо Штаттары биринчи орунга чыкты. Бул өлкөдөн кийин 1 миллион 792 миң 468 доллар менен Германия, 1 миллион 751 миң 938 доллар менен Испания, 1 миллион 351 миң 171 доллар менен Израиль жана 379 миң 205 доллар менен Польша турат. 

Түркия өткөн жылдын тийиштүү мезгилинен айырмаланып Израиль, Польша, Канада, Словакия, Босния-Герцеговина, Косово, Словения, Ливан, Йемен, Ирак, Швейцария, Мавритания, Бангладеш, Кабо-Верде жана Тайванга да бал сатты.