TPAO жылдын издөө компаниясынын сыйлыгын жеңип алды

Түрк мунайзат корпорациясы (TPAO) Норвегияда жайгашкан Rystad изилдөө мекемеси тарабынан жылдын эң мыкты иштеген фирмаларынын тизмесинде «Жылдын чалгындоо компаниясы 2021» деп табылды.

Ристаддын билдирүүсүнө ылайык, TPAO мунай жана газ чалгындоо боюнча алдыңкы ExxonMobil, ENI жана Hess компаниялары менен бирге «Жылдын чалгындоочу компаниясы» номинациясына талапкер көрсөтүлгөн.

Фирма өткөн жылы Кара деңиздеги иш-аракеттери жана жаратылыш газ табылгалары менен дүйнө гиганттары менен атаандашкан «Жылдын чалгындоо компаниясы» болуп тандалган.

TPAOнун ачылыштары өткөн жылы дүйнөдө кошумча нарк түзө алган үч долбоордун арасында болду. TPAO табылган резервдин бирдигинин наркы боюнча эң аз чыгым менен иштеген экинчи компания болуп эсептелди.

TPAOнун 2021-жылы Амасра-1 скважинасынан 135 миллиард куб метр көлөмүндөгү эң акыркы ачылышы дүйнөдөгү үчүнчү эң чоң ачылыш катары катталды.

Компаниянын 2020-жылы 405 миллиард куб метр жаратылыш газын табышы ошол жылдын деңиздериндеги эң чоң табылга, ал эми деңиз жана кургактыктагы жалпы экинчи эң чоң табылгасы катары катталды.