БТК темир жол линиясынан ташылган жүктөрдүн көлөмү

Транспорт жана инфраструктура министри Адил Караисмаилоглу Азия менен Европаны байланыштырган Баку-Тбилиси-Карс (БТК) темир жол линиясынан бүгүнкү күнгө чейин болжол менен 1 миллион тонна жүк ташылганын билдирди.

БТК Темир Жол линиясы жана Темир Жибек Жолу деп аталган Орто Коридор аркылуу ташылган транспорттун жогорулоо темпине ээ болгонун баса белгилеген Караисмаилоглу: «Линия пайдаланууга берилген күндөн бери 16 миң 279 вагондо 19 миң 646 контейнер менен 1 миллион 7 миң тонна жүк ташылды. Бул транспорттун 6 миң 814 вагондо 8 миң 377 контейнер менен 393 миң тоннасын экспорттук, 9 миң 465 вагондо 11 миң 269 контейнер менен 614 миң тоннасын болсо импорттук жүктөр түздү»,-деди.

БТК темир жол линиясынын дүйнөлүк логистикага багыт бергендигин айткан Караисмаилоглу төмөнкү маалыматтарды берди: «2020-жылдын январь-май айларында БТК линиясынан 3551 вагон менен 236 миң 52 тонна жүк ташылды. Ушул жылдын тийиштүү мезгилинде жүктөр 19 пайызга көбөйүп 4 миң 507 вагондо 280 миң 878 тоннага жетти. Грузия, Казакстан, Түркмөнстан, Кытай, Азербайжан, Өзбекстан, Россия, Кыргызстан жана Тажикстанга экспорттук жүктөр дагы көбөйдү. Ушул жылдын биринчи 5 айында 64 миң 378 тонна жүк, анын ичинде 1160 вагон жана 1246 контейнер жеткирилди»,-деди.

Караисмаилоглу экспорттук жүктөрдө Казакстан, Түркмөнстан, Кытай жана Азербайжандын алдыңкы орунду ээлегенин белгилеп, 2020-жылдын 4-декабрынан бери Кытайга 7, Орусияга 1 экспорттук поездди жөнөткөндөрүн эске салды.