Батыш Жер Ортолук деңиз аймагы 135 өлкөгө мөмө жана жашылча-жемиштерди экспорттоп жатат

Батыш Жер Ортолук деңиз аймагында экспорттун өсүшү уланууда.

Өзгөчө мөмө жана жашылча-жемиштердин экспорту өндүрүүчүлөрдү жана экспорттоочуларды кубандырып жатат.

Батыш Жер Ортолук деңиз экспортчулар бирикмесинин маалыматына караганда, январь-февраль айларында мөмө жана жашылча-жемиштердин экспорту өткөн жылдын тийиштүү мезгилине салыштырмалуу 26,58 пайызга өсүп, 128 миллион 727 миң 381 долларга жетти.

Эң көп экспорт жасалган өлкөлөр Германия, Россия, Румыния, Болгария жана Украина болду.

Аймактын мөмө жана жашылча-жемиш экспортунда 38 миллион 285 миң 881 доллар менен помидор биринчи орунду ээледи.

Помидордун экспорту өткөн жылдын тийиштүү мезгилине салыштырмалуу болжол менен 4 пайызга өстү.

Помидордон кийин 32 миллион 700 миң доллар менен калемпир, 15 миллион 442 миң 651 доллар менен анар жана 15 миллион 78 миң доллар менен бадыраң турат.

Өзгөчө Ыспартада кеңири өндүрүлгөн алманын экспортунан да 10 миллион 659 миң долларлык киреше түштү.