Түркиянын үй текстиль өнүмдөрү 194 өлкөгө экспорттолду
Түркиянын үй текстиль сектору 2020-жылды 2 миллиард 490 миллион 85 миң долларлык экспорт менен жапты.
Түркия өткөн жылы 194 өлкө жана автономиялуу аймактарга 2,5 миллиард долларга жакын үй текстиль өнүмдөрүн экспорттоду.
Улудаг экспортчулар бирикмеси менен Түркиянын үй текстиль өнөр жайчылары жана ишкерлер ассоциациясынан алынган маалыматтарга караганда, Түркиянын үй текстиль сектору 2020-жылды 2 миллиард 490 миллион 85 миң долларлык экспорт менен жапты.
Экспорт боюнча биринчи 3 орунду ээлеген Германияга 480 миллион 678 миң доллар, Америка Кошмо Штаттарына 295 миллион 452 миң доллар жана Британияга 128 миллион 764 миң долларлык тышкы сатуу ишке ашырылды.
Ушул 3 өлкөгө жасалган 904 миллион 894 миң долларлык экспорт, үй текстилдеринин жалпы экспортунун 36,33 пайызын түздү.
Алдыңкы 10 мамлекеттин катарында Италияга 107 миллион 70 миң доллар, Нидерландияга 102 миллион 764 миң доллар, Францияга 97 миллион 343 миң доллар, Болгарияга 79 миллион 590 миң доллар, Польшага 70 миллион 28 миң доллар, Белоруссияга 65 миллион 10 миң доллар, Россияга болсо 61 миллион 779 миң долларлык товар сатылды.
Тектеш кабарлар
Түрк чайынын экспорту
Түркияда өстүрүлгөн чай жылдын 3 айында 96 өлкө, автономдуу жана эркин аймактарга сатылды.