Түркиянын иштетилген жаратылыш таштарындагы экспорту 1 миллиард доллардан ашты

Өткөн жылы 184 өлкөгө жеткен Түркиянын иштетилген жаратылыш таштарындагы экспорту мурунку жылга салыштырмалуу 7 пайызга өсүп, 985 миллион доллардан 1 миллиард 58 миллион долларга жогорулады.

Эгей экспортерлор биримдигинен алынган маалыматка ылайык, иштетилген табигый таш экспортунда Америка Кошмо Штаттары 325 миллион доллар менен биринчи орунду ээледи.

Бул өлкөдөн кийин 139 миллион доллар менен Сауд Арабиясы жана 74 миллион доллар менен Израиль орун алды.