Түркия менен Британиянын ортосундагы ЭСК келишими

Соода министри Рухсар Пекжан, Түркия менен Британиянын ортосундагы Эркин соода келишиминин (ЭСК) маанисине токтолуп: «ЭСК биздин эки тараптуу соодабыздагы негизги белгисиздикти жана тоскоолдуктарды жоюп, келечектеги мамилелерибиз үчүн бекем пайдубал түзүүчү өтө маанилүү этап деп эсептейм»,-деди.

Пекжан, Анталия Дипломатиялык Форумунун бир нече убакыт мурун башталганын жана социалдык медиада барган сайын кызыгуу жараткан ADF120Sec (120 секунд) колдонмосуна катышып, Түркия менен Британиянын ортосунда кол коюлган ЭСК келишими жөнүндө билдирүү бөлүштү.

Пекжан билдирүүсүндө, эки өлкөнүн ортосундагы соода карым-катнаштарына токтолуп Британиянын Түркиянын экинчи ири экспорттук рыногу экендигин, ошол эле учурда абдан маанилүү соода жана инвестиция өнөктөшү экенин баса белгиледи.

Узакка созулган иш-аракеттердин жана сүйлөшүүлөрдүн натыйжасында эки өлкө ортосунда ЭСКке кол коюлгандыгына канааттангандыгын билдирген Пекжан, келишимге кол коюлбаган учурунда экспорттун 75 пайызына бажы салыгы салынарына көңүл бурду.