Варанк: "Биз либия менен бирге коркунучтарга каршы күрөшөбүз"

Өнөр жай жана технология министри Мустафа Варанк, «(Түркия жана Ливия) Өлкөлөрүбүз экономикалык саясий жана аскерий тармактарда көптөгөн коркунучтарга туш болгон абалда. Алардын кээ бирлери бул коркунучка каршы биз Ливия менен бирге күрөшүп жатабыз. Биз дагы бекем пайдубал орнотуу үчүн күрөшүп жаткан болсок, бардык тармакта кызматташтыкты эң жогорку баскычтарга жылдырууга менен мүмкүн болот»,- деди.

Министр Варанк, Стамбулда Ливиянын Борбордук банкынын төрагасы Саддек Элкабер жана анын делегациясы менен жолугушту.

Варанк, жолугушуунун алдында, «Бүгүн биз Ливиянын Борбордук банкы менен кызматташуу протоколуна кол коёбуз. Биз Ливиядагы ишкердиктин экосистемасын өнүктүрүүгө салым кошобуз, каржылык кызмат көрсөтүүлөрдүн технологиялык потенциалын жана тереңдигин жогорулатабыз, каржы тутумунда жаңыдан пайда болуп жаткан технологияларды колдонуу жаатында биргелешип иштейбиз жана жергиликтүү муктаждыктарды эске алуу менен жаштар үчүн технологиялык семинарларды уюштурабыз. Жакынкы күндөрү биз өз ара кызматташтыкка кадам таштайбыз, айрыкча технологиялык багыттагы демилгелерди колдоо үчүн венчурдук капиталдык фонддорду түзүү же биздин өлкөдөгү фонддорго инвестиция салабыз»,-деп айтты.

Кызматташуу протоколуна кол коюлары эки тарап үчүн тең пайдалуу натыйжаларга алып келүүсүн каалаган Варанк: «Биз ливиялык боордошторубуздун жыргалчылыгы, тынчтыгы жана экономикалык өнүгүүсү үчүн биргелешип иштей беребиз»,- деди.

Ливиянын Борбордук банкынын төрагасы Саддек Элкабер да Түркиянын банк системасын, Түркиянын банк секторунда кандай деңгээлге жеткенин жакындан байкап жатышкандарын, өнүккөн өлкөлөрдүн банк тутуму менен  жарышкыдай деңгээлде экендигин айтты.

Бул билдирүүлөрдөн кийин министр Варанк жана Ливиянын Борбордук банкынын төрагасы Элкабер, Өнөр жай жана технология министрлиги менен Ливиянын Борбордук банкынын ортосунда инвестицияларды, ишкердүүлүктү жана технологиялык кызматташтыкты көбөйтүү боюнча жакшы ниет келишимине кол коюшту.

Кол коюлган соң, делегациялардын жолугушуусу басма сөз үчүн жабык уланды.