Дүйнөлүк басма сөз 15.01.2021

Spiegel: Жакында кызматын өткөрүп ала турган АКШнын президенти Жо Байден 1,9 триллион долларлык коронавирустук жардам пакетин пландаштырып жатканын билдирген.

Deutsche Welle: Жарым өткөргүчтөрдүн жетишсиздиги унаа өндүрүшүндө тыгындарды жаратып жатканын маалымдаган.

Ard: «Германиянын канцлери Ангела Меркель убакытты текке кетиргиси келбейт. Тез жуккан коронавирустун мутациясына байланыштуу Меркель провинциялардын премьер-министрлери менен жолугушуп, катуураак чараларды талкуулагысы келет» деп жазган.

Элдустур: Дүйнөлүк саламаттык сактоо уюму, пандемиянын экинчи жылы катаал болушу мүмкүн экенин билдиргенин маалымдаган.

Элкудс: Баскынчы (Израиль), өз жерлерин (еврей) тургундардын кол салууларынан коргоого аракет кылган палестин айылдарынан өч алып жатканын кабарлаган.

 Элватан: Кувейт мунайынын баасы көтөрүлүп кеткенин билдирген.

Эль-Паис (Испания): «(Коронавирус пандемиясында) Үчүнчү толкун Рождестводон бери өсүп келе жатат: Ооруну жуктургандардын саны үч эсеге, ооруканага жаткырылгандардын саны эки эсеге көбөйдү» деп жазган.

Пренса Латина (Куба): Аргентинанын президенти, бойдон алдыруунун мыйзамдаштырылышын бекиткенин маалымдаган.

Infobae (Аргентина): Иран режими Венесуэладагы армиясын машыктыруу үчүн офицерлерди жибергенин билдирген.

France 24: «Ковид-19: Айрым аймактардагы саат 18ден кийинки коменданттык саат ишембиден баштап Франциянын жалпысын камтый тургандай түрдө кеңейтилди» деп кабарлаган.

Le Monde: Бразилиянын президенти Жаир Болсонаро (Франциянын президенти Эммануэль) Макронду сояга байланыштуу "акылсыз билдирүүлөрдү жасады" деп айыптаганын жазган.

Lenta.ru (Россия): Твиттер, Россиянын коронавируска каршы иштеп чыккан 'Sputnik V' вакцинасынын баракчасын жаап салганын билдирген.

ТАСС агенттиги: Россиянын жарандарынын жана жеке ишкерлеринин банкроттук деңгээли 2020-жылы 73% тегерегинде өскөнүн кабарлаган.

РИА Новости агенттиги: Россияга караштуу Бурят Республикасынын губернатору Алексей Цыденов жергиликтүү өз алдынча башкарууну кызматтан алганын маалымдаган.