Нигерия-Кытай меморандуму

Нигерия менен Кытай өзөктүк энергетика жана глобалдык өнүгүүнү камтыган беш багытта кызматташууну бекемдөөнү макулдашты.

Кытайдын тышкы иштер министри Ванг Йи Африкадагы төрт өлкөгө сапарынын алкагында Нигериянын борбор шаары Абуджага барды.

Ванг сапарынын алкагында Нигериянын тышкы иштер министри Юсуф Туггар менен жолугушту.

Ванг менен Туггар өзөктүк энергетика, Бир алкак бир жол демилгеси, Глобалдык өнүгүү демилгеси, медиа алмашуу жана коопсуздук кызматташуусу боюнча өз ара түшүнүшүү меморандумдарына кол коюшту.

Ванг Кытайдын глобалдык коопсуздук демилгесин ишке ашыруу жана орток келечекке ээ Кытай-Африка коомчулугун түзүү үчүн биргелешип иштөөгө даяр экенин баса белгиледи.

2024-жылы сентябрда Пекинде өткөн Кытай-Африка саммитинде берилген убадаларды эске салган Ванг: «Африкага 1 миллиард юань (135 миллион доллар) аскерий жардам беребиз жана Африка өлкөлөрү үчүн 6 миң аскер кызматкерин, 1000 полиция жана укук коргоо күчтөрүн окутабыз»,-деди.

Ванг Кытайдын Африкада ыкчам күчтөрдүн түзүлүшүн колдой турганын кошумчалады.