Израилдин Газага кол салуулары

Израилдин Газа тилкесинин ар кайсы аймактарында жер которгон адамдар баш калкалаган үйлөрдү жана мектептерди бутага алышы менен 6 палестиналык каза болду.

Саламаттык сактоо булактарынан алынган маалыматка караганда, Израилдин аскердик учактарынын Жебалия шаарынын Эн-Незле аймагындагы Садуллах үй-бүлөсүнө таандык үйдү бутага алышынын натыйжасында 4 киши каза болуп, бир нече киши жараланды.

Израиль аскерлеринин жер которгондор баш калкалаган Газанын Туффа районундагы Жаффа мектебин тик учак менен туш келди аткылашынын натыйжасында 2 палестиналык каза болуп, көп сандаган киши жараланды.

Жергиликтүү булактар ​​да Израиль армиясынын Газа тилкесинин түндүгүндөгү Месру Бейт Лахияда ондогон үйлөрдү жардыргыч заттар менен жардырганын кабарлашты.

Израиль армиясынын өзгөчө түнү менен Газа тилкесинин түштүгүндөгү Хан Юнус, Газа тилкесинин борбордук бөлүгүндөгү Нусайрат качкындар лагери жана Мегази качкындар лагерине артиллериялык аткылоо менен кол салгандыгы маалымдалды.