Грузияда нааразылык акциялары уланып жатат
Баш калаа Тбилисиде чогулган миңдеген адамдар өкмөттүн ЕБге байланыштуу чечимине дагы бир жолу каршылык көрсөтүштү.
Грузияда Европа Биримдиги (ЕБ) менен сүйлөшүүлөр токтотулгандан кийин башталган демонстрациялар 16 күндөн бери уланып жатат.
Баш калаа Тбилисиде чогулган миңдеген адамдар өкмөттүн ЕБге байланыштуу чечимине дагы бир жолу каршылык көрсөтүштү.
Демонстранттар парламент имаратынын алдындагы көчөнү унаа кыймылына жабышты.
Бир тараптан Европа Парламентинин (ЕП) депутаттарынан турган делегация Грузияда сүйлөшүүлөрдү өткөрдү.
Делегация Грузиянын президенти Саломе Зурабишвили жана оппозиция лидерлери менен жолугушту.
ЕП делегациясы, баш калаа Тбилисидеги демонстрацияларга да катышты.
Премьер-министр Ираклий Кобахидзе айрым европалык саясатчылардын Грузиянын ички иштерине кийлигишип жатканын айтып, Евробиримдикке кирүү боюнча сүйлөшүүлөрдү 2028-жылга чейин күн тартибине киргизбей тургандарын жарыялаган.
