Зеленский Орусиянын УААлары Запорожье аймагында МАГАТЭ кербенине кол салганын айтты
Владимир Зеленский өзүнүн X эсебиндеги билдирүүсүндө кол салууда каза болгондор жана жабыркагандар болбогонун билдирди.
Украинанын президенти Владимир Зеленский өлкөсүнүн Запорожье аймагында Атомдук энергия боюнча эл аралык агенттикке (МАГАТЭ) таандык унаалар кербенине орусиялык учкучсуз учуучу аппараттар (УУА) менен кол салуу болгонун айтты.
Владимир Зеленский өзүнүн X эсебиндеги билдирүүсүндө кол салууда каза болгондор жана жабыркагандар болбогонун билдирди.
Зеленский сөз болгон топтун аймактагы орус армиясынын көзөмөлүндөгү Запорожье атомдук электр станциясында өзөктүк коопсуздукту камсыз кылуу үчүн иштеп жатканын айтты.
Зеленский орус армиясы бул чабуулду атайылап жасаганын айтып, МАГАТЭ менен эл аралык өнөктөштөрдү бул чабуулга жооп берүүгө чакырды.
Орусиянын Коргоо министрлигинен жасалган билдирүүдө орус аскерлеринин Запорожье атомдук станциясында МАГАТЭнин байкоочуларынын коопсуз алмашуусун камсыз кылганы белгиленди.
Билдирүүдө байкоочу алмашуу үчүн белгиленген каттамда ок атышпоо режиминин сакталганы жана орус аскерлеринин ага баш ийгени белгиленди.
МАГАТЭнин байкоочулары 2022-жылдын 1-сентябрына карата Запорожье атомдук электр станциясында.
Украинанын түштүк-чыгышындагы Запорожье атомдук электр станциясы Европадагы эң ири атомдук электр станциясы.
Украинадагы жалпы электр энергиясынын 20 пайызын камсыздаган электр станциясы 2022-жылдын 4-мартында орус армиясы тарабынан басып алынган.
Орусиянын президенти Владимир Путин Украинанын Запорожье атомдук электр станциясын Орусиянын менчигине өткөрүү боюнча жарлыкка 2022-жылдын октябрында кол койгон.
