Израиль Газадагы ооруканага кол салды

Израиль Газадагы Кемал Адван ооруканасынын айланасындагы кол салууларда 33 кишини өлтүрдү.

Дүйнөлүк Саламаттыкты сактоо Уюмунун (ДССУ) башкы директору Тедрос Адханом Гебреисус Израиль армиясы кол салган Кемал Адван ооруканасы тууралуу X баракчасында билдирүү менен бөлүштү.

«Кечээ Газанын түндүгүндөгү Кемал Адван ооруканасынын жанында катуу бомбалоо жана кол салуулар болду жана мекеменин сыртында 33 кишинин каза болгону кабарланды»,-деп жазган Гебреисус, саламаттыкты сактоо кызматкерлери жана көптөгөн жаракат алган бейтаптар дүрбөлөңгө түшкөн кырдаалдан улам коопсуздук үчүн өзүн-өзү эвакуациялоого аргасыз болгонун билдирди.

Гебреисус : «Ооруканада 90 бейтап жана 66 медициналык кызматкер калды. Кемал Адван ооруканасы минималдуу деңгээлде иштейт, бирок бул акыркы окуя оорукананын иштөө мүмкүнчүлүгүнө дагы да коркунуч жаратууда»,-деп өз баасын берди.

Кемал Адван ооруканасынын Газанын түндүгүндөгү калк үчүн «акыркы өмүр жолдорунун бири» экенине көңүл бурган Гебреисус, саламаттыкты сактоо мекемелеринин корголушун жана кагылышуулардын токтотулушун талап кылгандарын баса белгиледи.