Орусия Польшанын Санкт-Петербургдагы Башкы консулдугун жабууда
Бул боюнча Польша тарапка нота жөнөтүлгөндүгү айтылды.
Орусия Польшанын Санкт-Петербургдагы Башкы консулдугун жабууну чечти.
Орусиянын Тышкы иштер министрлигинин билдирүүсүндө, Польшанын 30-ноябрда Орусиянын Познань шаарындагы Башкы консулдугун жабуу чечимин чыгарганы эске салынды.
Жооп катары Польшанын Санкт-Петербургдагы Башкы консулдугунун 2025-жылдын 10-январынан тарта жабыла турганы маалымдалган билдирүүдө, бул боюнча Польша тарапка нота жөнөтүлгөндүгү айтылды.
Билдирүүдө ошондой эле Польшанын Санкт-Петербургдагы Башкы консулдугунда иштеген 3 дипломаттын тең "персона нон грата" деп жарыяланганы жана ошол эле датага чейин өлкөдөн чыгып кетүүсү керектиги кабарланды.
Поляк администрациясынын акыркы жылдары Орусияга карата «душмандык» саясатын жүргүзгөндүгү белгиленген билдирүүдө: «Москва келечекте достукка жатпаган кадамдарга каршы катаал чараларды көрөт»,-деген сөздөр камтылды.
