Ливандын түштүгүнүн аскерлер тарабынан көзөмөлгө алынышын «Хизбулла» кабыл алганын ырастады

Ливан өкмөтү өлкөнүн түштүгүнүн аскерлер тарабынан көзөмөлгө алынышын «Хизбулла» кабыл алганын ырастады.

Ливандын маалымат министри Зияд ал-Макари борбор шаар Бейрутта Министрлер кеңешинин жыйынынан кийинки басма сөз жыйынында сөз сүйлөдү.

Өкмөттүн ишемби күнү түштүктөгү Сур шаарында чогула турган маалыматын бөлүшкөн Макари, бул жыйынга Ливандын башкы штабынын төрагасы Жозеф Аундун да катыша турганын жана армиянын түштүккө жайгаштыруу планы тууралуу маалымат бере турганын айтты.

Министрлер кабинетинде Хизбулланын өкүлү болгон министрлер, түштүктө көзөмөлдү колго алган армияга карата мамилесине көңүл бурган Макари: «Биз армияга ишенебиз. Ал Бириккен Улуттар Уюмунун Коопсуздук Кеңешинин 1701 резолюциясын аткарууга милдеттүү. Муну өкмөт дагы жактырат, башка вариант жок»,-деди.

Хизбулланын баш катчысы Наим Касым 29-ноябрдагы сөзүндө Израиль менен жетишилген ок атышпоо келишиминин ишке ашырылышы үчүн Ливан армиясы менен координациясынын жогорку деңгээлде болоорун айтты.

Ливан армиясын «улуттук армия» катары көргөндөрүн белгилеген Касым: «(Ливандын түштүгү) Өз мекенинде, биздин мекенибизде ордун алат»,-деди.

Ливан менен Израилдин ортосунда жетишилген ок атышпоо келишими 27-ноябрь, шаршемби күнү жергиликтүү убакыт боюнча саат 04:00дө күчүнө кирген.